船皇 (厚福街) (Closed)

放工之後沿住金馬倫道行到去厚福街， 發現原來多咗好多嘢食，見到呢間主打食船麵嘅“船皇”， 諗起以前去泰國夜市嘅畫面🥹😃餐廳以二人枱或四人枱為主， 橙色嘅牆身配合泰式嘅裝飾，真係有啲係泰國嘅感覺🥰 而且價錢都好合理👍🌟船皇船麵好多餸呀，有牛腩、牛肉片、牛丸、豬潤、雞絲、雞翼、豬肉同豬肉丸😃😃 最正係個湯底😋顏色好濃飲落好有牛味，粉麵嘅選擇有四款，我今次就選擇左金邊粉， 好襯，幾鍾意👍🌟秘醬通菜佢個醬唔辣，帶少少酸，反而覺得幾好，真係要試下👍🌟串燒牛柳粒配泰式辣汁呢度另外主打串燒，牛柳粒一串有四粒，個辣汁襯紅肉都幾好味😋🌟串燒牛舌配沙嗲醬汁我本人認為牛舌最好味嘅烹調方法就係燒😆😆佢呢個沙嗲汁係帶甜， 好味但我覺配雞肉會好更加正😆🌟串燒魷魚鬚配泰式燒烤醬魷魚都好好味，配泰式燒烤醬就真係襯到絕😎🌟青檸梳打夠晒refreshing 😎今次嘅一人晚餐真係非常滿足🤰😆 價錢又非常合理😌 下次再挑戰😆