溏串小町 (Closed)

小妹自成為人妻後，因為工作關係都比較少煮飯，大部份時間都去食同區不同的黃店。這次來到告急的溏串小町，限聚令有延長至農曆新年初六啦，食肆都錯過了聖誕新年黃金檔期，唯有出優惠外賣或跨區團購嚟幫補一下。小妹路過見到有一個全日外賣餐好抵呀， $88外賣壽司盒，有成12件咁多呀，本想多叫一個火炙壽司盒只不過係$98咋，來叫咗一個三文魚刺身10件$88 ，就成了兩口子的晚餐。小店都仲有好多選擇㗎，歡迎小黃人去面書睇下佢個全日外賣午餐啱唔啱食。小妹唔逐件評論啦，𩶘魚有少少筋，同埋小妹唔鍾意食吞拿魚赤身，總括嚟講味道同價錢係性價比超高，好過食x鮮鱒魚生，黑心既x尚或小氣啦～夜晚禁堂食令又點，小妹相信真香港人都會一樣咁支持良店的