堅離地 7 PO (Closed)

Bob叔介紹完呢間《堅離地7PO》一直都好想試，今次生日一於去試下！餐廳裝修好有土耳其氣氛，座位唔算好多，但唔會迫。第一次食叫左最受歡迎既菜式，叫左蟹餅，芝士牛肉餡餅，燒墨魚，中東串燒。蟹餅十分有驚喜，size大約一個拳頭闊，成舊蟹餅都係純蟹肉，蟹味濃，如果鐘意食蟹既朋友一定要試。芝士牛肉餡餅，芝士味濃有拉絲，牛肉味香，但肉質有少少鞋，餡餅唔會因為芝士而變濕變淋。燒墨魚就正正常常，冇咩特別，勝在夠大隻，肉質新鮮鮮甜結實，但我同男朋友本身好鐘意食海鮮，所以我地都鐘意。中東串燒就相對上性價比較低，份量少，當中羊肉較為出色，肉汁多，但個醬汁好食，點薄餅食一流。overall嚟講幾值得食，大部分價錢唔算好貴，而且用料新鮮，對得住價錢。