Video
Read full review
2021-11-22
323 views
1. 特上原味豚骨拉麵(直麵) $85湯底香濃帶微甜, 食得出好足料同煲左好耐, 豬骨味好香. 麵底可以揀直或者曲麵, 直麵同一蘭基本上差唔多, 我地叫左普通硬度, 比一般偏硬少少, 不過啱我口味. 升級特上有兩塊叉燒, 炙燒過, 半肥瘦, 燒到少少焦香, 出色！其他配菜有唐心蛋, 木耳, 香蔥, 紫菜同辣醬. 紫菜同木耳好爽有口感, 好食.成碗拉麵應該要有嘅都有, 唯一美中不足係送到上枱嘅時候唔夠熱, 扣些少分2. 特上海老湯拉麵(曲麵) $98另一碗係限定嘅海老拉麵. 提提大家哩款要五六日先供應, 星期一至四係另一款限定-魚介豚骨拉麵.講番哩碗海老湯拉麵, 湯麵超濃海蝦味, 拍得住一幻拉麵, 口味比較重同稠, 同頭先碗豬骨幾唔同. 重口味同中意蝦味會好like. 配料都係特上, 同頭先一樣, 但係多左大量櫻花蝦, 為碗麵再加啲咸蝦味. 啲蝦脆口, 少少似炸魚仔, 食落好過癮, 就算浸湯都唔話冧哂.值得一提係因為湯底比較稠, 食完會有種飽滯嘅感覺.3. 吉列炸蠔+男爵牛肉薯餅 $42+$18炸物相當有驚喜! 好多拉麵店可能只會集中做好個拉麵, 小食例如餃子之類大部分都係一般. 但今次
湯底香濃帶微甜, 食得出好足料同煲左好耐, 豬骨味好香. 麵底可以揀直或者曲麵, 直麵同一蘭基本上差唔多, 我地叫左普通硬度, 比一般偏硬少少, 不過啱我口味.
升級特上有兩塊叉燒, 炙燒過, 半肥瘦, 燒到少少焦香, 出色！其他配菜有唐心蛋, 木耳, 香蔥, 紫菜同辣醬. 紫菜同木耳好爽有口感, 好食.
成碗拉麵應該要有嘅都有, 唯一美中不足係送到上枱嘅時候唔夠熱, 扣些少分
2. 特上海老湯拉麵(曲麵) $98
另一碗係限定嘅海老拉麵. 提提大家哩款要五六日先供應, 星期一至四係另一款限定-魚介豚骨拉麵.
講番哩碗海老湯拉麵, 湯麵超濃海蝦味, 拍得住一幻拉麵, 口味比較重同稠, 同頭先碗豬骨幾唔同. 重口味同中意蝦味會好like.
配料都係特上, 同頭先一樣, 但係多左大量櫻花蝦, 為碗麵再加啲咸蝦味. 啲蝦脆口, 少少似炸魚仔, 食落好過癮, 就算浸湯都唔話冧哂.
值得一提係因為湯底比較稠, 食完會有種飽滯嘅感覺.
3. 吉列炸蠔+男爵牛肉薯餅 $42+$18
炸物相當有驚喜! 好多拉麵店可能只會集中做好個拉麵, 小食例如餃子之類大部分都係一般. 但今次哩兩個炸物實在做得出色, 暫時係我食過數一數二嘅拉麵店小食!
炸蠔: 外面炸粉粉量剛好, 厚薄適中, 加上入面個蠔算大隻, 又juicy, 唔會淨係食到油炸味, 炸嘅時間控制得非常好👍🏻👍🏻👍🏻
牛肉薯餅: 同樣炸得啱啱好, 唔會太乾身同有熱氣感覺. 入面個餡鬆軟熱辣辣, 只係略嫌牛肉丫份量差少少.
無論係麵定小食都做得非常好同細致, 價錢又唔算貴, 推介！👍🏻👍🏻👍🏻
Post