御品·千之味 (深水埗) (Closed)

呢一間亦都係大家唔會陌生嘅日本餐廳。有做外賣嘅，亦都有做堂食嘅。更加會定時定候為特定職業送上外賣優惠，足見良心。午市或者晚市嘅定食都相當豐富，有壽司配上烏冬/冷麵、沙律、小食、麵豉湯和飲品！壽司雖然冇得自己揀款式，但質素不俗，手握飯並不鬆散。冷麵做到乾身，冰冷，雖然用料食材並不高級，但味道絕對可口美味！至於沙律、小食都合乎水準，飲品只有紙包可以選擇，但都有解茶揀喎！食完飯就可以行旁邊嘅嘉頓山，一解肚皮的沉重！