Oddies (Closed)

第一次食Oddies應該係五年前 係灣仔舊舖仲未搬到中環 當時已經鍾情於Oddies既軟雪糕 前排見到Oddies會係一月尾結業 超唔捨得⁣⁣不過有好消息 老闆話暫時會繼續做落去 有機會做到7月8月呀⁣⁣💛良心店家仲提供優惠俾香港人 每杯都平左$6 ⁣The mob(S) $69-$6⁣⁣🍼Oddies既軟雪糕果然唔會令人失望 意大利低脂牛奶軟雪糕 牛奶味好濃郁 軟滑帶點空氣感⁣🍵第一次試佢既自家製抹茶雪糕 比想像中濃郁 不過仍然滿足唔到茶控 口感軟滑 但略微偏甜⁣🍳黑芝麻麻糬雞蛋仔 有驚喜 就算同雪糕放埋一齊 放得耐左 仍然保持到香脆 麻糬口感軟糯帶點拉絲 略嫌芝麻味偏淡 要咬到芝麻粒先食得到芝麻香⁣🍎雪糕底下有蘋果柚子果凍 個人認為同抹茶雪糕唔太夾⁣🧇再落啲仲有威化脆脆 即使夾係雪糕中間 口感依然脆身 整體口感更豐富