Video
Read full review
2009-04-05
20 views
別說日式私房菜, 就算係普通私房菜我都未試過, 呢次係第一次食樓上日本菜, 感覺其實同樓上cafe差唔多, 環境一定唔會話好好, 始終比較迫夾, 而且因為唐樓既關係, 唔想行樓梯既朋友真係要諗諗...是日係星期四, 估唔到, 呢度都會咁多人, 值得一讚既係waiter無趕人走亦唔會俾壓力你, 所以唔訂位我相信無機會walk in了, 不過, 亦因為咁, 不失為一個良朋共聚既好地方頭盤先叫左個南瓜沙律, 其實我好少食到我喜歡既南瓜食品, 我對南瓜亦唔會十分鐘意亦唔會十分抗拒, 不過呢度既南瓜沙律真係幾好味, 南瓜唔會磨得太爛, 作為頭盤係一個唔錯既選擇之後黎既, 係日式餃子, 日式餃子比較少食不是煎過的, 感覺皮厚左d, 同埋始終煎過既會香d下一味係金菇牛肉卷, 材料一d都吝嗇, 牛肉不過不失, 金菇亦好咬感, 我覺得個汁調較得唔錯, 唔會太過火太咸, 再加上沙律菜, 呢味金菇牛肉卷雖然普通, 但不失為一個好選擇頭盤/前菜/小食過後, 就黎左個鰻魚飯, 我都算係一個鰻魚如癡, 好吃唔好吃既鰻魚我都食過唔少, 呢度既鰻魚質素只屬一般貨色, 有骨呢d唔在講, 要彈既係既火候, 唔知係咪唔記得
是日係星期四, 估唔到, 呢度都會咁多人, 值得一讚既係waiter無趕人走亦唔會俾壓力你, 所以唔訂位我相信無機會walk in了, 不過, 亦因為咁, 不失為一個良朋共聚既好地方
頭盤先叫左個南瓜沙律, 其實我好少食到我喜歡既南瓜食品, 我對南瓜亦唔會十分鐘意亦唔會十分抗拒, 不過呢度既南瓜沙律真係幾好味, 南瓜唔會磨得太爛, 作為頭盤係一個唔錯既選擇
之後黎既, 係日式餃子, 日式餃子比較少食不是煎過的, 感覺皮厚左d, 同埋始終煎過既會香d
下一味係金菇牛肉卷, 材料一d都吝嗇, 牛肉不過不失, 金菇亦好咬感, 我覺得個汁調較得唔錯, 唔會太過火太咸, 再加上沙律菜, 呢味金菇牛肉卷雖然普通, 但不失為一個好選擇
頭盤/前菜/小食過後, 就黎左個鰻魚飯, 我都算係一個鰻魚如癡, 好吃唔好吃既鰻魚我都食過唔少, 呢度既鰻魚質素只屬一般貨色, 有骨呢d唔在講, 要彈既係既火候, 唔知係咪唔記得睇火, 鰻魚底燒得太燶了... 碗飯一拎到黎就聞到有一陣燶味... 全晚最失望既一味
之後既上菜速度明顯變慢, 等左一段時間之後, 就送來鰻魚豆腐天婦羅, 事後睇番之前既食評, 大部份人都話呢個好味, 好在朋友有做功課, 否則真係錯過了...
我係出面未見過類似既菜式, 岩岩煮好既高熱仲睇到蒸汽升緊上黎, 一黎到賣相已經覺得好吸引
食落去, feel到豆腐好滑, 不過其實應該係百福豆腐, 紫菜好似天婦羅咁炸過, 幾好味, 反而鰻魚無特別, 同一般鰻魚反卷中既鰻魚差唔多, 唔怕熱既一啖食晒最好味, 不過我係貓舌, 食唔到太熱既野的...
之後朋友們就係度傾計, 傾到咁上下, waiter就過黎問仲有無野要加, 因為order已經黎晒, 我地就話仲有一個魚湯豆腐烏冬未黎, 唔知係咪漏單了, 好在, 都唔駛等好耐, 就黎到了
魚湯豆腐烏冬都係好熱, 就連影相都影到大量既蒸汽, 烏冬同魚湯煲係分開上的, 食幾多夾幾多, 方便大家可以分黎食
魚湯好味, 雪白既湯底, 可能用左牛奶去煮, 烏冬相對少, 不過幾彈牙 (當然未去到萬豚屋咁啦), 配料係雜菜、豆腐、芋絲等, 並無肉, 清得黎唔會肥膩, 最後大家連一滴湯都不漏將呢煲湯殲滅左...
因為唔係好夠飽, 所以追加左自家制雞肉丸串, 唔駛等好耐就上菜, 果然係自家制, 食得出入面有d雞軟骨之類混左係入面, 咬落感覺幾特別, size都幾大, 食埋就真係岩岩好了
值得一提既係上菜速度, 唔知個廚房有幾多位廚師, 佢既上菜速度其實唔算快, 不過如果黎得呢度, 我相信唔係為求食快餐, 呢度價錢唔貴之下, 如果一路飲住sake一路同朋友風花雪月, 真是一樂也
Post
