Video
Read full review
2021-03-11
61 views
是日想搵個地方同朋友可以坐低飲下酒吹吓水。咁啱朋友想食串燒。咁醒起之前行過呢頭見到一間唔錯嘅串燒店。就同朋友提議嚟呢度。我哋喺星期二嘅夜晚大約7:00到舖頭。可能係平日嘅關係店內唔算太多人。舖頭面積唔算大。室內有四張枱。 另外亦都有設室外位置方便吸煙人士。由於疫情關係，食店亦都好細心咁設有酒精搓手液比食客。非常細心。串燒方面，我哋分別叫咗牛舌，黑松露燒珍寶帶子串，椒鹽鮑魚，蒜香燒生蠔，燒招牌鵝肝串，燒雞腎串同埋燒原條香蒜茄子。主食就叫咗法式牛柳粒薯菜。食串燒當然少不免啤酒啦。我哋分別叫咗麒麟青檸啤同埋麒麟提子啤。首先講海鮮類嘅燒物。雖然係燒過嘅海鮮。但係亦都食得出佢係新鮮嘅。而且一啲都唔腥。亦都唔會話燒得太韌。特別係黑松露燒珍寶大子串，帶子上面有一啲黑松露喺度，令成個帶子嘅口感昇華咗唔少。牛舌同雞腎亦燒得啱啱好，而我本身係唔食牛舌嘅，因為我覺得個感覺好核突。但係朋友分咗一小塊俾我食之後，我反而接受到呢個牛舌，因為佢真係燒得好好食。法式牛柳粒薯菜。牛柳粒相當之多嘅肉汁。再加埋洋蔥。送酒食簡直係一流。茄子係咁多種食物入邊燒得最好食嘅一樣。如果唔係因為太飽嘅關係。我一定會再encore呢個燒
舖頭面積唔算大。室內有四張枱。 另外亦都有設室外位置方便吸煙人士。
由於疫情關係，食店亦都好細心咁設有酒精搓手液比食客。非常細心。
串燒方面，我哋分別叫咗牛舌，黑松露燒珍寶帶子串，椒鹽鮑魚，蒜香燒生蠔，燒招牌鵝肝串，燒雞腎串同埋燒原條香蒜茄子。主食就叫咗法式牛柳粒薯菜。食串燒當然少不免啤酒啦。我哋分別叫咗麒麟青檸啤同埋麒麟提子啤。
首先講海鮮類嘅燒物。雖然係燒過嘅海鮮。但係亦都食得出佢係新鮮嘅。而且一啲都唔腥。亦都唔會話燒得太韌。特別係黑松露燒珍寶大子串，帶子上面有一啲黑松露喺度，令成個帶子嘅口感昇華咗唔少。
2 views
0 likes
0 comments
牛舌同雞腎亦燒得啱啱好，而我本身係唔食牛舌嘅，因為我覺得個感覺好核突。但係朋友分咗一小塊俾我食之後，我反而接受到呢個牛舌，因為佢真係燒得好好食。
厚切牛舌，燒雞腎串
2 views
0 likes
0 comments
法式牛柳粒薯菜。牛柳粒相當之多嘅肉汁。再加埋洋蔥。送酒食簡直係一流。
法式牛柳粒薯菜
5 views
0 likes
0 comments
茄子係咁多種食物入邊燒得最好食嘅一樣。如果唔係因為太飽嘅關係。我一定會再encore呢個燒茄子。
燒原條香蒜茄子
7 views
0 likes
0 comments
最後值得一提嘅係啤酒。我一路以為麒麟啤係有出提子味同青檸味。但原來朋友提我，係喺侍應斟啤酒之前，加咗一啲青檸汁同埋提子汁落隻杯到。呢種飲法可以對一啲唔常飲啤酒嘅朋友，易啲入口。
麒麟提子啤，麒麟青檸啤
2 views
0 likes
0 comments
燒招牌鵝肝串
2 views
0 likes
0 comments
Post
