Video
Read full review
2021-07-27
2639 views
隨着自己嘅年齡選擇餐廳嘅要求都愈來愈唔同。細個時候嘅要求就係冇乜要求/平靚正；人愈大，再好食再難食嘅野都應該慢慢試過，反而會著重嗰環境/同你一齊食飯嘅人。我所講嘅環境未必要係一個好靚，服務招呼好好嘅地方。有時太靚太好嘅野只係令自己周身唔聚財。Well，同愛情💓一樣，唔係搵條件最好，喺搵嗰岩自己嘅，適當嘅時候就留番喺自己嘅comfort zone入面。愈吹愈遠，講返今日間食店 - 珠江飯店大排檔式嘅舖頭分上下兩層，鋪頭都幾老式。賣嘅嘢一啲都唔貴，普通小菜都係一百幾十蚊碟，價錢都幾貼地。今次我地三條友仔6點半就到，坐咗上層，叫咗5碟餸2支藍妹；叫完餸之後就愈來愈多人嚟，同埋愈來愈嘈，到7點左右上層就差唔多滿人。蠔爽 $118第一碟上菜嘅餸，唔知係咪因為肚餓嘅關係，覺得好好食，難得喺我哋三條友都覺得好好食。蠔唔喺好大粒，應該喺沾咗層啲炸漿後就拎去炸。外邊嘅炸漿好薄，一咬就喺蠔肉，細細粒，新鮮好食，非常推介。9/10XO醬蝴蝶腩 $108（豬）開頭我哋以為蝴蝶腩喺牛肉，問左店員先知喺豬。上菜嗰時我又覺得好奇怪，XO醬炒嘅嘢係咁嘅樣？！咁又係嘅XO醬間間都可以唔同。依碟餸酸酸辣辣，一食落去都唔喺
選擇餐廳嘅要求都愈來愈唔同。
細個時候嘅要求就係冇乜要求/平靚正；
人愈大，再好食再難食嘅野都應該慢慢試過，反而會著重嗰環境/同你一齊食飯嘅人。
我所講嘅環境未必要係一個好靚，服務招呼好好嘅地方。有時太靚太好嘅野只係令自己周身唔聚財。
Well，同愛情💓一樣，唔係搵條件最好，喺搵嗰岩自己嘅，適當嘅時候就留番喺自己嘅comfort zone入面。
愈吹愈遠，講返今日間食店 - 珠江飯店
大排檔式嘅舖頭分上下兩層，鋪頭都幾老式。
賣嘅嘢一啲都唔貴，普通小菜都係一百幾十蚊碟，價錢都幾貼地。
今次我地三條友仔6點半就到，坐咗上層，叫咗5碟餸2支藍妹；叫完餸之後就愈來愈多人嚟，同埋愈來愈嘈，到7點左右上層就差唔多滿人。
蠔爽 $118
第一碟上菜嘅餸，唔知係咪因為肚餓嘅關係，
覺得好好食，難得喺我哋三條友都覺得好好食。蠔唔喺好大粒，應該喺沾咗層啲炸漿後就拎去炸。外邊嘅炸漿好薄，一咬就喺蠔肉，細細粒，新鮮好食，非常推介。9/10
XO醬蝴蝶腩 $108（豬）
開頭我哋以為蝴蝶腩喺牛肉，問左店員先知喺豬。上菜嗰時我又覺得好奇怪，XO醬炒嘅嘢係咁嘅樣？！咁又係嘅XO醬間間都可以唔同。依碟餸酸酸辣辣，一食落去都唔喺幾對路，d豬騷味都幾勁，好心啦拖多幾次水，搵薑爆佢幾下都好丫。
非常不推介。1/10
避風塘炒茄子$88
碟餸一上枱嘅時候，我哋三條友都覺得點解咁大陣美極既味道😂
食落先知，佢避風塘啲炒料「炸蒜頭花椒洋蔥辣椒乾」應該加咗美極去炒。
炸漿唔算太薄都唔係太厚，熱辣辣，都幾好食。
普通推介。6/10
辣子雞$98
碟餸一上枱嘅時候，又係一陣美極既味道😂
碟雞嘅賣相一啲都唔討好，成隻雞腳對住我。雞件切到好細粒好細粒好似返咗大陸食。
味道都幾鹹下，食落都隱約食到陣雞嘅味道，應該係冰鮮雞。
其實都幾鹹下，但呢碟餸應該係要鹹嘅，用嚟配下啤酒都唔錯。普通推介。5/10
最後一味菜
?!蝦乾小炒皇 $??
由於飲左溫下溫下，碟菜叫咩名幾多錢都唔記得mark。
碟菜都好食，小炒皇其實真喺落咩炒都得，一見到有我最中意煮，好鬼有益嘅鮮淮山，我就加佢1分。
好食，有穫氣，難得係大排檔食到鮮淮山。
小小推介。6.5/10
今晚嘅月亮🌕好圓好近，但唔知點解望住嗰月亮總係覺得有啲忐忑。
Mcmug綜合評分：7/10。以大排檔嚟講，水準算幾高。當然食大排檔都喺要撞下手神；睇吓個師傅心情；當日嘅材料新唔新鮮；同埋自己點叫餸。但至少依餐好過我上星期食嘅愛文生都幾多下。
Post
