Cocina 3 Tapas Restaurant & Bar (Closed)

今晚同朋友慶祝生日，book咗奧海城呢間西班牙餐廳，地方大樓底高很有空間感，有室內和户外座，紅色梳化椅陪襯西班牙裝飾，很有型格和品味!餐廳食物主打tapas小食和傳統西班牙菜式，作為酒吧當然唔少得cocktail、生啤和烈酒。每檯奉送粟米片，飲啤酒啱曬，仲可以無限添食!傳統西班牙車打芝士波車打芝士 啖啖芝士味鹹鹹地，煙韌軟滑，炸得甘香脆口。西班牙炒辣肉腸辛辣惹味肥瘦適中，肉質紮實有嚼口，鹹中帶香送酒一流！西班牙香燒乳豬仔乳豬仔 香脆外皮，內裏肉質嫩滑，脂肪較少味鮮甜，配合上多士來吃，增加鬆脆口感。夏威夷Pizza充滿 mozzarella cheese, 材料有煙肉和菠蘿 濃烈的芝士味和煙肉鹹香，與菠蘿 鮮甜果味 互相平衡。薄餅皮薄香脆輕盈，個人十分喜愛！西班牙海鮮炒飯份量十足，足夠四個人食，海鮮有虎蝦 、青口、魷魚、帶子和魚柳，伴上鮮橄欖炒飯，炒飯乾身唔油膩，非常有飽足感!