Video
Read full review
2016-12-01
1591 views
碩門呢個地方我特別有感覺，因為在那裡工作了四年留下了不少*難忘*回憶，最記得的便是Lunch係冇乜嘢好食，現在就不同了因為連酒店都座落了附近，我講緊嘅係MoMo Cafe記得3年前的結婚週年紀念💕便是在這裡慶祝呢。餐廳巳帶有不少聖誕節氣氛，值得一提這兒的平安夜和聖誕節Dinner Buffet由成人只$588-$628/小童$358-$378不等，提早預訂仲有抵至85折優惠好抵食呢!🎅🎄而我哋今晚好熱鬧一檯十多人浩浩蕩蕩去吃Buffet，今夜的主題係{冰鎮海鮮山自助餐}🐚🐙🐟，價錢由$458-$508/位，現慶祝酒店開業3週年，凡手提電話號碼📱帶有*3*的客人在8/12前星期日-四惠顧自助午，晚餐更可享7折優惠呢！不過時間無多要吃快訂喔！先帶大家看甜品區先 ，有氹小朋友最啱的朱古力噴泉，配料擺得十分別緻令人食慾大增呢，新鮮生果當然唔會缺少啦！一見到有菠蘿車媽媽便心滿意足了，甜品杯有香滑的栗子奶凍，濃郁的Oreo奶凍，還有嬌小可愛的栗子忌廉泡芙。咖啡焦糖燉蛋，是黑森林蛋糕，Tiramisu，還有芒果林明頓蛋糕，紅莓紅桑莓Mousse蛋糕，栗子瑞士卷以及抹茶芝士蛋糕還有
餐廳巳帶有不少聖誕節氣氛，值得一提這兒的平安夜和聖誕節Dinner Buffet由成人只$588-$628/小童$358-$378不等，提早預訂仲有抵至85折優惠好抵食呢!🎅🎄
而我哋今晚好熱鬧一檯十多人浩浩蕩蕩去吃Buffet，今夜的主題係{冰鎮海鮮山自助餐}🐚🐙🐟，價錢由$458-$508/位，現慶祝酒店開業3週年，凡手提電話號碼📱帶有*3*的客人在8/12前星期日-四惠顧自助午，晚餐更可享7折優惠呢！不過時間無多要吃快訂喔！
先帶大家看甜品區先 ，有氹小朋友最啱的朱古力噴泉，配料擺得十分別緻令人食慾大增呢，新鮮生果當然唔會缺少啦！一見到有菠蘿車媽媽便心滿意足了，甜品杯有香滑的栗子奶凍，濃郁的Oreo奶凍，還有嬌小可愛的栗子忌廉泡芙。
咖啡焦糖燉蛋，是黑森林蛋糕，Tiramisu，還有芒果林明頓蛋糕，紅莓紅桑莓Mousse蛋糕，栗子瑞士卷以及抹茶芝士蛋糕還有我喜歡吃的Brownie。
清新好吃的士多啤梨撻和可愛的朱古力忌廉筒，經典甜品都有供應例如麵包布甸，和比較有特色的野莓芝士布甸，餐廳都冇忽略喜歡中式甜品的客人，分別有杞子桂花糕，中式酥餅同埋芝麻糕仲有豆腐花添，雪糕就用上大師品牌。
而沙律Corner內供應了各式各樣新鮮嘅沙律菜供客人自己組合，還有不少我喜歡吃的前菜，最吸引我莫過於係阿枝竹同紅和菜頭真的百吃不厭呢！但係有一樣前菜更加令我有驚喜的就係貢菜，質感極爽而且味道香口，會有程越食越好味感覺，大家如果去食嘅時候仲見到呢個麻香口水雞🐤，記得一定要攞嚟試吓水準係估唔到咁好吃的，味道麻香雞肉亦都嫩滑，冇諗過喺自助餐食到咁嘅水準口水雞囉好驚喜，其實仲有蒜泥白肉㗎不過因為實在太多嘢食所以我冇試到，您哋試咗好食話畀我聽。
芝士拼盤款式比較少只得4款選擇，但係就有瑞士嘅熱溶芝士，已經夠我滿足了。
到萬衆期待的凍海鮮，款式選擇就多了有鮑魚，青口，八爪魚，墨魚仔，海蝦，翡翠螺同泰式生蝦，未完的仲有麵包蟹，龍蝦鉗，龍蝦，大蜆，東風螺同鱈場蟹腳，喜歡吃海鮮嘅朋友必定滿足而歸。
另外還有日式區會供應五款刺身有鯖魚，鯛魚，八爪魚，三文魚同希靈魚，還有一些日式前菜和壽司卷物等。🍣
到熱葷區了這個係燒烤區，大家都應該知道我見到咩心心眼啦？當然係燒菠蘿🍍另外仲有腸仔，牛仔骨，雜菌和多春魚等香口美食供應，另外還有印度薄餅仲有香味飯添，用來配蔬菜咖哩就一流啦。
如果頭先啲嘢唔夠飽肚仲可以點即製西式意粉呢，款式頗多梗有一款啱大家！
繼續睇下有咩嘢食先啦！呢個係脆炸雞件，香煎豬柳和嫩滑的焗龍利柳，中式嘅會有鮑貝扒時蔬，醬爆海螺牛肉。
蕉葉紅魚，看上去色澤紅潤好吸引，希望一陣有胃納可試，冰梅醬雞球，陳皮燴鴨甫，仲有臘味糯米飯供應好飽肚呢，自助餐當然唔少得燒牛肉眼啦，聽聞質素不俗呢，仲有燒味供應添今日有豉油雞，燒排骨同埋燒鴨，看上去味道應該都不錯喔！
而且仲有一個自選嘅粉麵區，揀好餸料便請師傅幫你煮一碗熱辣辣的中式粉麵㗎，天寒地凍都咪話唔爽。
好唔再講咁多嘢！係時候開餐各位好友一人一碟取來了食物，造就一幅飲食地圖，真係好鍾意一大班朋友去食自助餐好高興呢！
呢個清酒煮鮑魚質地夠淋，味道都幾鮮香絕對係回本之選。
燒大頭蝦亦都係必食之選啊，大頭蝦肉質爽彈，蝦頭D膏雖然十分邪惡，但真係好好味㗎喎。
邪惡嘅朋友當然要食返碟新鮮嘅沙律菜喇！打好底後又要繼續殺戮戰場喇！
忍不住影了好友的心形龍蝦，佢係攞畀太太的So Sweet喔。💕
再吃啲刺身海鮮呀其實都已經好鬼滿足，不過要特別介紹下呢度嘅鱈場蟹腳，味道好鮮甜而且好juicy記得要試呀！
我當然不會放過我最鍾意的菠蘿啦！燒出嚟嘅菠蘿特別香甜好食真係百吃不厭呀 ！
仲有呢個日式嘅螺肉味道都好好，我啲口味有時都好細路仔㗎。👧
食到咁上下侍應為我哋送上每位一盅的佛跳牆，內裏料頭十足有鮑魚，鮮雞，花膠同肥大肉厚嘅香菇，湯味香甜喝下滋潤十足呢。
點解今日車媽媽食咁少嘢呢？係因為呢度嘅甜品實在太吸引了，我要留肚比甜品呀！
我將所有栗子味道嘅甜品都攞咗返嚟，當中最吸引最好味係栗子奶凍，面層係香滑栗子蓉，下面係滑嘟嘟奶凍成件事係perfect match囉！而其他嘅甜品水準亦都十分之不錯，所以我通通將佢哋吃清光。
還有這款彩虹班戟好玩又好吃，因為邊吃還可邊估味道好Funny呢！
最後吃多碗新鮮菠蘿便滿足地收手了！😄
怎料好友們不停的品評這兒的豆腐花味道十分好吃，而男神亦都十分有風度去給我取了碗我真係好幸福呀！果然真的豆味充足，我正是喜歡這種有質感嘅豆腐花，而不是滑到吃風的那款囉！
Post
