Video
Read full review
2019-08-26
1717 views
相信香港最多嘅餐廳類型係西餐，不過十間西餐廳有九間既食物都係差唔多，冇咩新意。但今日意外闖入呢間旺角樓上西餐廳，每道菜都有新嘅元素，唔會原地踏步，充滿驚喜，所以一定要介紹俾大家。一入到去已經見到有個好大嘅live band空間。表演者有別一般餐廳嘅live band唱歌，而係表演色士風，而且會演奏耳熟能詳嘅歌曲，無論古代定現代歌曲都能駕馭，我個人非常喜歡呢個live band。餐廳嘅食物同餐飲menu都好厚同好大本，證明餐廳食物飲品選擇非常廣泛。我同女友各叫一個主菜，加$50可以轉套餐，包埋餐飲、湯同甜品。龍蝦湯一向係我嘅至愛，所以我決定再加$20選擇泡沫龍蝦湯，龍蝦味濃郁，另外輕盈、鮮甜、柔滑集於一身，絕對物有所值。餐湯亦會配上蒜蓉包，上面有厚厚嘅芝士，百般芝味在心頭。淨係一個dinner set當然唔夠食啦，所以我哋加咗個法式鴨肝醬。鴨肝醬整成水果形狀，技術含金量可謂超高，真係睇得又食得。鴨肝醬口感柔滑細膩，獨特嘅鹹香味令人愛不釋手。旁邊仲有四片帶酸味既麵包，味道同鴨肝醬超夾。燴和牛臉意大利飯係餐廳recommend，意大利軟硬程度剛剛好，而且份量超多。和牛非常軟稔，用叉輕輕一撥就
一入到去已經見到有個好大嘅live band空間。表演者有別一般餐廳嘅live band唱歌，而係表演色士風，而且會演奏耳熟能詳嘅歌曲，無論古代定現代歌曲都能駕馭，我個人非常喜歡呢個live band。
餐廳嘅食物同餐飲menu都好厚同好大本，證明餐廳食物飲品選擇非常廣泛。
我同女友各叫一個主菜，加$50可以轉套餐，包埋餐飲、湯同甜品。龍蝦湯一向係我嘅至愛，所以我決定再加$20選擇泡沫龍蝦湯，龍蝦味濃郁，另外輕盈、鮮甜、柔滑集於一身，絕對物有所值。
泡沫龍蝦湯
18 views
0 likes
0 comments
餐湯亦會配上蒜蓉包，上面有厚厚嘅芝士，百般芝味在心頭。
淨係一個dinner set當然唔夠食啦，所以我哋加咗個法式鴨肝醬。鴨肝醬整成水果形狀，技術含金量可謂超高，真係睇得又食得。鴨肝醬口感柔滑細膩，獨特嘅鹹香味令人愛不釋手。旁邊仲有四片帶酸味既麵包，味道同鴨肝醬超夾。
法式鴨肝醬
$138
18 views
0 likes
0 comments
燴和牛臉意大利飯係餐廳recommend，意大利軟硬程度剛剛好，而且份量超多。和牛非常軟稔，用叉輕輕一撥就可以將肉分離，非常出色。兩者既配搭充滿新鮮感。
燴和牛臉意大利飯
$228
19 views
0 likes
0 comments
甜品係焦糖布甸，一睇賣相就知道唔馬虎。
連檸檬茶都大杯過人，糖漿分開上所以客人可以自己調校甜度。
估唔到龍蝦湯「全都是泡沫」，更估唔到鴨肝醬可以製成水果形狀，但最估唔到嘅係能夠去西餐廳欣賞色士風嘅表演。相信Amplifier Restaurant係我呢一、兩年食過最驚喜既西餐廳。
Post
