放牛牛 (Closed)

愛麗絲係雪糕迷😍 之前係網上見到放牛牛呢間雪糕店，就俾漸變色既雪糕筒吸引左，所以一直都好想去試，呢一日就同朋友去品嚐下喇🍦愛麗絲點左個風牛牛😂 即係薰衣草雪糕配菠蘿粒，雪糕上插左一塊waffle同一片菊花裝飾，而雪糕筒係粉紅色漸變，成個感覺好tropical😍 首先，雪糕好滑，薰衣草味都算濃，不過個人認為配菠蘿有啲怪😂 但味道係還好既。不過塊waffle就淋既，唔係平時食開少少帶脆既waffle。至於個雪糕筒雖然好靚，但這比較厚身，亦唔會有特別既味道。其實愛麗絲平時都唔中意食雪糕筒，今次只係貪個筒靚😂 而朋友就點左水牛牛😂 係海鹽雪糕，雪糕頂插上一塊透明藍既脆片，係波子汽水味既，而雪糕筒就係黑色，中間帶一個藍色圓圈。先試雪糕，愛麗絲就覺得海鹽味唔重，好似牛奶雪糕，不過個雪糕筒就係oreo味既，味道比風牛牛會吸引啲。至於塊波子汽水脆片，味道都幾得意，不過會有啲痴牙。總括，放牛牛既雪糕賣相吸引，不過就唔可以抱太大期望，其實雪糕本身係好食既，但其他配件就普通喇～