Doux (Closed)

今晚同朋友食飯，朋友預早book定依間餐廳，佢話依間餐廳既質素唔錯又想可以坐得耐。先點了法國活藍青口香檳忌廉汁意粉$138 很澎湃的藍青口，插滿整個碟，味道都算新鮮肥美，特別喜歡細細隻既藍青口，至於意粉夠曬creamy，香檳忌廉味濃，每啖意粉都能夠食到醬汁包得曬啲意粉。再來Deluxe House Burger，牛肉厚身，肉汁也超多。薯條是粗薯條，新鮮炸出來，真係好好味！！外脆內軟，又熱辣辣！呢間餐廳主打甜品，我地當然要一試，係咁多款甜品中我地叫左個最吸晴既peach，個賣相真係好似個peach，一切落去d果醬慢慢流出來。軟軟的慕絲，中間d果醬有少少微酸和濃郁桃香，食落唔會話太甜。最後叫左兩杯飲品，右邊果杯係芒果香橙冰茶，左邊果杯係日本青梅西瓜梳打。兩杯飲品D裝飾配搭得好靚，而且味道都好清新，再慢慢坐下傾下計。