荔園﹒流金歲月 (Closed)

一家人去D2 place 玩，順道睇睇有咩好食。搵緊餐廳嘅時候，就已經俾佢啲餐廳座位吸引左，雖然最後冇被安排坐嗰啲船着枱，但今次嘅用餐經驗都係非常好嘅。我哋點左唔少點心，最出色嘅呢要數佢嘅摩天輪點心，有好多卡通嘅包點，例如係烏龜形狀嘅菠蘿紅豆包，老虎樣嘅奶皇包等等。佢哋唔單止賣相可愛，仲係新鮮出路，非常之好味！另外我哋亦都叫咗一個石鍋炒飯，拎上嚟嘅時候仲係冒着煙，我哋一家唔使10分鐘就食哂啦！所有野食都好出色，我哋一定會再幫襯！仲有最後消費夠，仲送兩個金幣可以玩下餐廳入面嘅小遊戲，都幾得意😎。