Video
Read full review
2023-05-15
1705 views
今次同朋友慶生，喺眾多鐵板燒餐廳之中揀咗呢間位於中環嘅Crown Super Deluxe，夜晚主要有三個set可以揀，分別係$888、$1388同埋$1488，我哋揀咗$1488個餐，原本都有諗過會唔會唔夠飽，但事實係飽到個炒飯只食到一兩啖🤣 每樣少少其實食下食下都好飽！餐廳氣氛幾好，音樂偏大聲，未必適合想靜靜地食飯嘅人，不過我哋覺得熱鬧d都幾好。店員同師傅嘅服務都好好，會細心介紹食材同埋同客人閒聊。師傅一開始會用蒜片加油去炒，d油會用嚟做之後每道菜式。•🥢日本芥菜沙律前菜有日本菇加芥菜配上蘿蔔汁，個汁味道似柚子醋，但汁嘅份量偏少。•🥢豐洲市場精選刺身因為我唔食刺身，所以店員幫我轉左我份刺身做天婦羅，有蝦、蕃薯同埋茄子，但比較油膩，而且炸得一般。而朋友照跟餐牌食刺身，佢話正常無特別驚喜。•🥢海鹽德島番茄店員提議第一啖唔好加鹽，試原味先，已經好有驚喜！好juicy又甜，味道有少少似車厘茄。第二啖加鹽食會發覺層次多咗，係人生食過最好食嘅蕃茄💯•🥢牛油鐵板龍蝦餐廳入面有魚缸養住龍蝦，落咗單後就活生生咁喺魚缸拎出嚟等師傅處理。龍蝦好滑，生熟度剛好👍🏻 煎完之後淋上一開始炒好咗嘅龍蝦膏，配兩塊
餐廳氣氛幾好，音樂偏大聲，未必適合想靜靜地食飯嘅人，不過我哋覺得熱鬧d都幾好。店員同師傅嘅服務都好好，會細心介紹食材同埋同客人閒聊。師傅一開始會用蒜片加油去炒，d油會用嚟做之後每道菜式。
•
🥢日本芥菜沙律
前菜有日本菇加芥菜配上蘿蔔汁，個汁味道似柚子醋，但汁嘅份量偏少。
日本芥菜沙律
22 views
0 likes
0 comments
•
🥢豐洲市場精選刺身
因為我唔食刺身，所以店員幫我轉左我份刺身做天婦羅，有蝦、蕃薯同埋茄子，但比較油膩，而且炸得一般。
而朋友照跟餐牌食刺身，佢話正常無特別驚喜。
豐洲市場精選刺身
17 views
0 likes
0 comments
•
🥢海鹽德島番茄
店員提議第一啖唔好加鹽，試原味先，已經好有驚喜！好juicy又甜，味道有少少似車厘茄。第二啖加鹽食會發覺層次多咗，係人生食過最好食嘅蕃茄💯
海鹽德島番茄
19 views
0 likes
0 comments
•
🥢牛油鐵板龍蝦
餐廳入面有魚缸養住龍蝦，落咗單後就活生生咁喺魚缸拎出嚟等師傅處理。龍蝦好滑，生熟度剛好👍🏻 煎完之後淋上一開始炒好咗嘅龍蝦膏，配兩塊細多士🤤
牛油鐵板龍蝦
14 views
0 likes
0 comments
•
🥢海膽吐司
海膽份量都唔少，吐司煎得外脆內軟。
•
🥢燒時令蔬菜
蔬菜有紫蘿蔔，口感似荀，我本身唔食蘿蔔，但佢完全無蘿蔔嘅味～菠菜無渣，菠菜要好食難免要落多少少油，但食落唔會有油膩感。菇就普通無乜特別。
•
🥢鹿兒島A5和牛柳 120克 & 鹿兒島A5和牛西冷 140克
我同朋友都分別揀咗牛柳同西冷，兩款牛都高質！我揀咗七成熟，但肉質依然軟嫩，配搭埋一開始炒嘅蒜片一齊食。
鹿兒島A5和牛柳&西冷
11 views
0 likes
0 comments
•
🥢蒜香和牛炒飯
和牛粒偏咸，落鹽應該重手咗少少，但飯粒夠乾身又彈牙飽滿，而且炒得好靚！
蒜香和牛炒飯
8 views
0 likes
0 comments
•
🥢龍蝦味噌湯
用龍蝦殼煲出嚟嘅味噌湯，超鮮甜，味噌湯好順口。
龍蝦味噌湯
32 views
0 likes
0 comments
Post
