寬巷子 (Closed)

花痴🌹必食嘅三層架火鍋下午茶「百艷茶宴」，擺盤精緻，牛肉豬肉連生菜都砌成花形狀，伴碟裝飾亦係用花，打卡📷都打都手軟。湯底有辣有唔辣，我哋揀咗個辣（元珠小染），其實都只係微辣。店員好細心咁同我哋講解食物嘅煮法，務求我哋品嘗到最美味嘅食物。三層架頂層係綜合肉類盛合，全部以玫瑰花造型出場，有澳洲和牛牛舌花、牛胸油花及松板枝香(豬肉），肉質薄身，軟熟味濃。中層有懷舊台式月餅糕、糖葫蘆、墨條牛軋、鳳梨酥及菠菠糖，全部都係師傅巧妙地混合多種食材製造而成嘅創意食品。最底層就係雜錦蔬菜，有香菇、粟米、舞茸、生菜、西蘭花、燈籠椒、秋葵等，夠晒新鮮！食飽最好係飲返杯玫瑰高山清茶，食埋甜品鳳梨蛋糕（盈月照寶盒）就滿足哂😋😋。