Second Bite Bar & Cafe (紅磡灣中心) (Closed)

之前食過Second Bite Bar & Grill覺得好好食，今次專程嚟到佢哋位於黃埔嘅姊妹店。餐廳以園林作主題🏡枱同枱之間有一定距離，就算唔係卡位都坐得舒適。餐包係我最愛嘅牛角包，十分酥脆香口，咬落去回彈力十足🆙我哋仲叫咗個芝士火腿拼盤開心share，芝士香軟餘韻悠長，而沙律菜嘅清甜可以引出火腿嘅鹹香，朋友仲襯咗紅酒飲🍷❤️主食方面，我嗌咗個黑松露帆立貝扁意粉，賣相都幾精緻😍黑松露香氣撲鼻，扁意粉好掛汁。帆立貝略燒至金黃，肉質濕潤，口感柔軟，散發淡淡鮮甜味😋😋朋友就嗌咗黑毛豬鞍，試咗一啖。肉質鬆軟嫩滑又無筋。配搭椰菜花感覺冇咁heavy同熱氣🥦