韓閣 (Moved) New Location

「韓閣」位於荃灣美食集中地，但門面裝潢同食物相片都幾吸睛，引到唔少人幫襯。週末午市時間需要等位，可以用app拎定位，咁就慳返啲等位時間！室內座位唔少，但略嫌坐得逼，要同其他客搭擡食飯。漬物係送既，但都係唔岩我食既，如果可以係泡菜就好.....牛肉石鍋飯（$52）一上檯要即刻撈，用石鍋煎返熟隻生蛋，「滋滋」聲好療愈。牛肉份量唔少，不過有啲韌；記得要落精髓－－辣醬。甜雞肉韓式粉絲（$52）十分香！又大份！食完一啖再食返石鍋飯已經冇咩味......椰菜爽口、粉絲香、雞肉又甜又嫩，真係食到停唔到口。不過食完面層後，下面淨返一層油浸粉絲，實在太膩又唔健康，唯有食淨。