一番風味 (Closed)

放工幫同事拎野返屋企，佢住在灣仔，之後同事提議去佢屋企附近的一番風味食晚餐，佢話佢一有時間就去食果度D蟹粥，重話好好味，我一定一試難忘，講到我心思思，二話不說，馬上就去食！餐廳地方整潔，以中菜為主，入座後見大部分食客都有食蟹粥，原來是招牌菜之一。我們也急不及待點菜，希望快點品嚐到美食！蒜茸粉絲蒸扇貝，扇貝好大隻又鮮甜，尤其粉絲吸收了扇貝的精華，蒜茸的香味，美味極了！黃金蝦，蝦大隻，廚師將蝦炸得香脆，再用咸旦黃爆炒，蝦肉鮮甜彈牙，咸旦黃香濃，十分惹味！招牌蟹粥，主角出來了，侍應一打開煲蓋，馬上香味四溢，侍應另外用碗載好給我們享用，蟹是用頂級膏蟹，都好大隻，粥好綿滑，因為有蟹膏，所以粥程橙黃色，食落非常香甜，膏蟹也好鮮味，同事冇介紹錯，真的一試難忘，令人回味無窮。