樂怡餅屋 (Closed)

其實係粉嶺雖然地區比較細，但講到餅店選擇都好多，有連鎖式，也有比較專門的餅店。以我心水之選，就非樂怡餅店莫屬。佢地芝士餅簡直係魔鬼及天使配合，有美味又易致肥的忌廉芝士，也有鬆軟的蛋糕，比例約1:3，份量恰到好處又唔會太甜，選擇亦都很多，有美國芝士，藍莓芝士，檸檬芝士，任君選擇。另外，如不大喜歡芝士餅，就可選擇鮮果蛋糕，雖然外表不外乎是鮮果，但就算在一個小小半磅蛋糕上鮮果都有4款(原位士多啤梨，哈蜜瓜，蜜瓜，菠蘿)，當你切開蛋糕有一層薄薄的忌廉加上新鮮的芒果肉，這簡直是驚喜。選擇也有為喜歡忌廉甜品愛好者而設，忌廉泡芙也是不錯，厚厚又軟綿綿的忌廉，加在有口感的鬆餅上，滋味無窮。價錢雖然與連鎖式餅店差不多，但以我來話物有所值，而且製餅師傅亦是酒店製作甜品出身，做甜品水準是不可致疑。