La Paloma

Open Now

Now Closed

節日前夕，揀咗一間西班牙餐廳食好啲，餐廳氛圍樸實又精緻，木桌上擺住精緻嘅陶瓷碟，環境令人感到非常放鬆。餐廳大廚來自巴塞隆拿，每一道都出色。和牛及鵝肝配長法包店員會輕輕將和牛灸燒，和牛在口中融化，鵝肝如奶油般口感，釀入鬆脆嘅法包，配搭奢華，層次感豐富。伊比利亞火腿酥炸忌廉球外皮炸至酥脆，順滑嘅忌廉中間點綴著伊比利亞火腿嘅鹹香味。火焰燒帶子配伊比利亞火腿，小椰菜及龍蝦汁火焰非常吸晴，gimmick 十足，帶子鮮甜嫩滑，搭配伊比利亞火腿既鹹香味、小椰菜嘅脆爽、濃郁龍蝦汁，值得一試。生牛肉他他配松露薯條生牛肉調味剛好，質感細腻，薯條炸得香脆，松露香氣十足。傳統華倫西亞雞肉、迷迭香配青豆及雅枝竹燴飯用左華倫西亞雞肉煮嘅西班牙燴飯，雞肉嫩滑，迷迭香令燴飯增添香氣，份量十足，食完大滿足。Weekend brunch 做緊優惠，$298就食到6款TAPAS 同埋乳豬，下次要試吓brunch。