甜圓坊

Open Now

Now Closed

講到近年最受歡迎嘅甜品一定唔少得芋圓啦！今日同朋友去咗甜圓坊度食嘢，呢度除咗甜品之外，仲有其他唔同嘅台灣小食。我同朋友今次就叫咗台式雙拼蛋餅、招牌迷你剉冰同總匯QQ圓。餅皮非常有咬口，好煙韌，而且唔油膩。入面都係滿滿嘅肉鬆、芝士同蛋，十分足料。仲有少少葱花提味！整體口感同味道都好夾！下次一定要再食！之後就到迷你剉冰啦！佢既配料有成8款咁多(包括:西米、薏米、紅豆、綠豆蓉、湯圓、地瓜圓、芋圓同埋珍珠)。芋圓同地瓜圓非常煙韌！一啲都唔粉。個人認為兩個人食份量都夠，但啲冰食到最後就無乜味。勝咗芋圓同地瓜圓都好足！夏天嚟食更加一流！最後嚟到我今日既最愛！就係總匯QQ圓啦佢係將桂棗雪耳湯底再加珍珠、地瓜圓、芋圓、湯圓。非常滋潤！仲有得揀凍同熱！個人就推介熱食入面好足料！甜度可能微微偏甜，但個人認為啱啱好！呢款既地瓜圓同芋圓比起剉冰既係較為煙韌，無剉冰咁Q！湯底非常入味！