芋圓一 (Closed)

問答題：同女朋友行街行到腳軟又唔想俾機會佢發脾氣可以做乜？叫佢收皮自己坐車返屋企？錯！！（請不要玩命）個答案就係帶佢去食糖水喇！一入去坐低就叫咗兩樣野，傳統仙草芋圓 和 愛文芒果甘露芋圓，呢兩樣應該係招牌黎。傳統仙草芋圓1）有大量芋圓，芋圓控一定要試！2）芋圓有水準，食得出唔同色嘅芋圓有唔同嘅味道！3）有其他配料如紅豆，仙草，薏米，加埋一齊口感都幾特別。4）算係一個比較有特色嘅甜品。愛文芒果甘露芋圓1） 即係楊枝甘露+少量芒果+芋圓，唔算特別。2）味道唔算太甜，芒果亦都新鮮。3）芋圓份量冇招牌芋圓咁多，仲搭左幾粒冇味嘅白色丸子。如果鍾意食芋圓都係食返傳統仙草芋圓吧！後記：我地9點幾去到都要等20分鐘，所以大家唔好咁傻行到腳軟先去食呢間甜品店啊！