茶理史 (Closed)

去親旺角最中意就係掃街食野，天氣咁熱都會想圓返杯凍飲，可以邊行邊飲解下渴🤣咁岩見到茶理史就去圓返杯台式飲品，無諗過會咁有驚喜😍平時就食開珍珠多，我見到佢有款係地瓜小芋圓，選擇都有好多，所以一於試「芋香鮮乳地瓜小芋圓」。呢個芋圓有黃色地瓜圓、粉紫色芋圓，而且係一粒粒圓形個種，唔會好形方形粒狀痴埋一齊，口感亦都好煙韌好有口感，最重要係有芋頭香味👍🏼👍🏼另外芋香鮮乳除左有淡淡芋頭香味之外，唔會好死甜幾岩晒我口味！總結，平時除左飲珍珠之外，平時中意食開芋圓的朋友，呢個地瓜小芋圓都可以試下😋