手作鮮芋站 (Closed)

呢日芋癮發作，上網睇吓其他芋頭控有咩推介，決定去試試《手作鮮芋站》～🔸手作芋泥脆脆華田（熱，無糖）💜🥤芋泥鮮奶、芋泥奶綠飲得多芋泥華田比較少見，仲話係期間限定，一於試試打開個蓋，見到成杯飲品面都係芋泥😍不過華田味較重，蓋過咗芋頭味飲落有芋泥嘅口感，但脆脆嘅口感就唔多覺喇🤷🏻‍♀️雖然order 咗無糖，不過可能因為華田味較重，飲落仍然覺得甜咗啲🔸芋泥奶凍吐司💜🍮🍞外層烤到焦香金黃嘅吐司 夾住 芋泥 再夾住厚厚嘅奶凍 呢個組合幾得意 - 加奶凍呢個idea 唔錯不過，個人覺得如果芋泥厚啲暖啲，奶凍薄啲凍啲，咁一熱一凍嘅效果會更加過癮，食嘅感覺同味道可能會更佳～🔥🧊呢日兩款芋製品都係新嘗試不過，都係比較鍾意芋頭味做主導嘅飲品同食品，下次再去試吓佢嘅”手作·芋泥芋圓鮮奶”同”芋泥肉鬆吐司”，睇吓有冇驚喜先～