清原

Open Now

Now Closed

台灣連鎖甜品第一品牌~清原，在香港開分店，今日去開銅鑼灣，作為甜品控既我，當然要去朝聖。小店除左人氣芋頭冰之外，仲有蔗糖剉冰、招牌仙草冰、特色甜品、暖湯系列、各款台式茶飲、新推出既麻薯串串。芋見幸福熱戀中：沙冰打得綿密，芋圓煙韌，芋頭球大大粒，軟軟糯糯，珍珠和紅豆都粒粒分明，西米露爽口，所有配料在口腔內一次過交融，層次感滿滿，大推。鮮奶極緻滿福湯圓：鮮奶味道好濃郁，紅豆香甜，珍珠Q彈，加上三粒花生或芝麻餡既湯圓，成碗熱湯，感覺舒服。四季青茶：用左台式烏龍茶，入口清醇，茶香噗鼻，我加配左珍珠和椰果，令口感更豐富。紫薯串串：共有四款口味，我揀左紫薯味，麻薯柔軟而帶嚼勁，紫薯醬汁甜而不膩，必試新品。總結，甜品款款精美好食，食甜品後讓人感覺開心又幸福。