Mango Mania

Open Now

Now Closed

初夏是芒果盛產月份，喜愛的朋友必定會趁呢兩個月要把握時間大吃特吃～～上星期我訂了一大箱台南黑香同朋友開心Share，所以朋友就請返我食泰國水仙芒甜品XD 呢間Mango Mania 原來係泰國過江龍，價錢同泰國相差不遠，一面揭餐牌見到大大粒的芒果已流晒口水。 芒果糯米飯芭菲 $48杯裝甜品是一人份量，所以定價方面比較相宜，最平$30已經有交易，賣相同餐牌相差不遠，糯米飯同芒果粒層層疊疊，夾雜椰奶的糯米飯入口是微暖的，口感煙韌，好驚喜，芒果份量都幾多而且是自然甜，之前賣$28好抵食，而家加左差不多一倍屬合理價錢。芒果冰磚$70冰磚外層的大大大塊水仙芒果包圍著，賣相極吸引，比杯裝更大粒，泰國水仙芒較少纖維口感，加上生熟度剛好，食到獨有的清甜！面頭係芒果雪糕，入面有不少粒粒芒果肉。刨冰是牛奶口味的，比較甜，口感似韓式綿綿冰，質感綿密，但因為天氣太熱好快溶。可以夾埋旁邊椰汁糯米飯同芒果汁自創不同的食法～呢度食的甜品同出面其他舖頭賣的芒果甜品最大分別，係呢度可以食到泰國水仙芒的清甜。