Video
Read full review
2008-10-29
4 views
尋晚約咗2個朋友仔打邊爐(因為又係食稻香，所以無得寫多篇食評添~HEHEHE)，食完飯後有個朋友仔話想食芝麻糊，發記同滿記的芝麻糊我一向都覺得麻麻地，之前見到呢度話石磨坊D糊類甜品OK喎，所以就拉咗佢地嚟試下啦。去到因為仲係九點幾到，唔算好多人，所以唔洗等位。以前都有嚟過幾次，今次嚟好似少咗D甜品，而且佢甜品類型唔多，根本上只係分糊類，刨冰、小食咁上下。我地3個人叫咗： 熱芝麻糊 & 芝麻糊 + 湯丸：因為小金魚食得飽但係又貪心想食多幾款甜品，所以就叫咗2個糖水三個人分，呢個芝麻糊唔係太甜，但係就稍為唔夠芝麻香，湯丸一碗有三粒，剛剛好夠分，味道方面OK啦，唔知點解依家出街食D芝麻多數都唔香(可能落得唔多芝麻呱~~)，不過呢度都算有少少香味而且唔係一味死甜，算唔錯啦。洛神花啫喱+什果：小金魚有排好鐘意飲花茶，最鐘意洛神花的甜甜酸酸，所以一見呢隻甜品都叫嚟試下，個名應該唔係咁，但係我已經忘記了啦HEHEHEHE，入面係什果上面有十幾粒洛神花啫喱再加D碎冰同花奶(??)。D啫喱無乜洛神花味，什果+花奶+碎冰係一個對小金魚嚟講唔啱口味的配搭。香芒黑糯米芝麻卷：呢個我真係覺得好難食，唔知係咪因為
去到因為仲係九點幾到，唔算好多人，所以唔洗等位。
以前都有嚟過幾次，今次嚟好似少咗D甜品，而且佢甜品類型唔多，根本上只係分糊類，刨冰、小食咁上下。
我地3個人叫咗：
熱芝麻糊 & 芝麻糊 + 湯丸：因為小金魚食得飽但係又貪心想食多幾款甜品，所以就叫咗2個糖水三個人分，呢個芝麻糊唔係太甜，但係就稍為唔夠芝麻香，湯丸一碗有三粒，剛剛好夠分，味道方面OK啦，唔知點解依家出街食D芝麻多數都唔香(可能落得唔多芝麻呱~~)，不過呢度都算有少少香味而且唔係一味死甜，算唔錯啦。
洛神花啫喱+什果：小金魚有排好鐘意飲花茶，最鐘意洛神花的甜甜酸酸，所以一見呢隻甜品都叫嚟試下，個名應該唔係咁，但係我已經忘記了啦HEHEHEHE，入面係什果上面有十幾粒洛神花啫喱再加D碎冰同花奶(??)。D啫喱無乜洛神花味，什果+花奶+碎冰係一個對小金魚嚟講唔啱口味的配搭。
香芒黑糯米芝麻卷：呢個我真係覺得好難食，唔知係咪因為比許留山縱壞咗，一年四季係許留山食芒都好甜，但係呢度就....好酸吖，個芝麻卷又鞋又無味，黑糯咪就OK，但係D芒果咁鬼酸，完全破壞成個甜品(我唔係食酸品吖嘛)，我唔理甜係咪因為落咗糖精，但係至少我係嚟食"甜"品，再再加上唔明點解要落個熱的椰汁做底，超奇怪 + 唔好食 = 食剩一半以上。
SERVICE同環境方面就OK啦，你坐底都會有人主動嚟落單，食完你想HEA一陣都唔會有個人企係你旁邊等你埋單咁(我地走時見到門口企滿人等位)，環境就比較嘈，但尚可接受啦。
3個人 === HKD94.00，價錢OK啦~~~~~~
Post