食棧

Open Now

Now Closed

見有食家寫呢度的芒果布甸好味，就特登食完"天下第一腩" 過來買外賣回公司吃 (係呀，我係順從民意去架喳! 我係唔想再去天下第一腩架啦...)老老實實，芒果布甸係咪超好食呢？我又覺得唔係 - 可能我總係覺得新鮮芒果，應該係帶d果酸味，呢度d芒果冇乜味，甜味又被布甸本身蓋過；不過，勝在個布甸本身其實唔錯 - 夠滑，同埋應該落左蛋，幾香；呢個時候的芒果，做襯托口感之用，係可以接受的- 不過如果用返稍為酸少少的芒果，會更perfect。不過 - 呢d冇乜酸味的芒果布甸，係同細個果時響酒樓食的一樣架，仲要係好味酒樓先食到的果種，係爭在唔係心型同埋冇左粒紅色車厘子咋 - 都好有親切感...可能人大了 - 有時食野，除左味道，有時都要食回憶的。其實之前都有去食過呢度的dinner，就在食棧剛裝修之後 - 不過除了扇貝幾好食，個海鮮餐幾抵，同隻鵝太肥之外，其實野食我係冇乜印象....所以，下次有機會再去食的話，先再同大家分享。