SOYmart by 豆乳狂人

Open Now

Now Closed

今晚在荃灣食完烤肉, 最啱去食吓甜品糖水清熱氣, 豆乳狂人位於海之戀商場, 食物即叫即製, 選擇相當多, 有粢飯、小食、豆乳、豆腐花和糖水, 個人最喜歡多芒和芋圓系列。多芒小丸子 西米好幼滑, 煙韌小丸子有嚼口, 大量鲜芒果肉和香甜芒果汁, 和特調椰奶嘅椰香好配合。多芒楊枝甘露 材料相當多, 大量鲜芒果和金柚肉, 香甜又充滿果香, 大大粒西米加上芒果汁和 椰香幼滑嘅特調椰奶, 口感豐富。粒粒仙草 三色芋圓煙韌彈牙, 綠豆腍滑得嚟好有質感, 清爽嘅仙草富有草香, 在椰奶和黑糖浸潤下, 加上西米, 更覺甜香幼滑。糖水甜香可口, 冰凍又大碗, 份量十足, 最啱大家一同分享。