Mango Tree

Open Now

Now Closed

同朋友夜晚要去西九，依家快快手食個晚餐先。坐係窗邊，望住太陽，都幾好view待應介紹呢2杯飲品有特價，毫不猶豫就叫左啦。唔記得飲品個名，但2杯飲品都好清新，特別係荔枝味，特別fresh.前菜係軟殼蟹青木瓜沙律。軟殼蟹好大隻，炸得幾脆，而且唔會好厚炸粉。但青木瓜沙律比較酸，牙齒都酸埋，雖然木瓜絲真係好爽脆，但酸味要扣少少分啦。炸蝦餅，非常好食，蝦肉好爽口彈牙，唔覺有溝其他肉類，而且炸得乾身，唔會油淋淋，食3件都嫌少。主菜係大蝦金邊粉，擺盤好靚，有蛋皮包住。金邊粉味道幾好，蝦肉爽口，如果有多啲花生碎增加口感就更好了。服務好細心，除左介紹食物外，仲會問我地對食物嘅意見，讚賞。