允升甜品

Open Now

Now Closed

暑假就快完，同啲小朋友去長洲行吓，食吓野，雖然呢排長洲最出名的芒果糯米糍九龍都有得賣，但一埸入到長洲，無可能唔去朝聖一番。行到允升附近，已經見到條長龍，我地等左廿分鐘左右，都唔算好耐，黎到允升，當然係食招牌芒果野。我地叫左楊枝甘露同芒果糯米糍，楊枝甘露甜度適中，芒果又夠足，個芒果底真材實料無溝水。至於芒果糯米糍，皮夠薄，芒果夠鮮夠香夠熟又夠甜，一啖咬落去，皮帶點甜，配合埋啲芒果，簡直無得彈，我地食完一個又一個，食唔停口。見到啲職員一包口個糯米糍就送到你枱面，又特別覺得好味。除左堂食，我仲打包左三盒共廿四隻反去比朋友食。發覺原來打包同堂食係有分別的，打包嗰啲個皮較厚，稍為扣左少少分，可能因為個皮放左陣又漲左，又或者特登包厚少少驚個皮濕左啩。不過咁，雖然厚左少少，但都好好味。