Video
Read full review
2017-10-13
33 views
我愛泰菜, 但更愛芒果糯米飯, 無論食到幾飽都一定會叫, 得知香港終於有第一間芒果糯米飯棉棉冰即刻bookmark左佢, 十萬個想試!!!!! 位於旺中既位置超方便, 位於美食雲集既層數, 但無礙我奔向芒果糯米飯冰既懷抱。 只有一個店主, 一面招呼我, 同時有其他客人黎都不慌不忙咁回答我地既問題, 未食已經加分。無需要猶豫就揀左芒果糯米飯冰, 即時製作所以大約等5-10分鐘。 芒果糯米飯冰實物同圖一模一樣(無違反商品說明條例XDD) 第一啖係最面層既忌廉, 椰汁味濃之餘質感夠杰身, 碎冰雖然未至於幼細但唔會好粗身同嚡口, 比想像中更易入口, 無平時食泡冰最驚既過粗冰粒情況, 而且粒碎冰都散發着啖啖芒果清香, 食落無人造香精既假甜, 混和清甜芒果肉碎粒, 滿腔芒果味呢~~~ 主角糯米飯相比起沙冰較温熱, 但當然唔係餐廳果種熱辣辣啦, 平時我中意食熱既糯米飯因為總覺得熱既先會夠韌, 不過今次即使近乎室温但仍有韌口, 無一貫淋面既椰汁但仍食出微微椰汁香隱藏於飯粒中, 食到最底原來仲有威化脆筒碎, 口感層次十足, 如果威化脆換成曲奇碎等可能脆感更明顯呢!!! 個飯原來好飽肚, 所以叫返杯飲品,
只有一個店主, 一面招呼我, 同時有其他客人黎都不慌不忙咁回答我地既問題, 未食已經加分。無需要猶豫就揀左芒果糯米飯冰, 即時製作所以大約等5-10分鐘。
芒果糯米飯冰實物同圖一模一樣(無違反商品說明條例XDD) 第一啖係最面層既忌廉, 椰汁味濃之餘質感夠杰身, 碎冰雖然未至於幼細但唔會好粗身同嚡口, 比想像中更易入口, 無平時食泡冰最驚既過粗冰粒情況, 而且粒碎冰都散發着啖啖芒果清香, 食落無人造香精既假甜, 混和清甜芒果肉碎粒, 滿腔芒果味呢~~~
主角糯米飯相比起沙冰較温熱, 但當然唔係餐廳果種熱辣辣啦, 平時我中意食熱既糯米飯因為總覺得熱既先會夠韌, 不過今次即使近乎室温但仍有韌口, 無一貫淋面既椰汁但仍食出微微椰汁香隱藏於飯粒中, 食到最底原來仲有威化脆筒碎, 口感層次十足, 如果威化脆換成曲奇碎等可能脆感更明顯呢!!!
個飯原來好飽肚, 所以叫返杯飲品, 士多啤朵梳打~
好大杯, 唔會好多糖水, 好清新, 完全中和到糯米飯既飽漏感, 仲有少少士多啤梨果肉
不得不提係臨走時於店鋪轉角位, 店員傳來大聲既多謝同BYEBYE, 重點係佢明明在忙於招呼其他客人呢, 雖於呢碗係棉棉冰, 但佢既窩心行為令人感到温暖呢, 值得支持既小店。
Post
