泰灜

Open Now

Now Closed

嗰日生日朋友帶咗我哋呢度慶祝，估唔到有個大大嘅玫瑰形狀芒果糯米飯。無啦啦播生日歌，店員攞住個蛋糕走出嚟，搞吓氣氛仲一齊唱歌，成個場面好搞笑好開心。芒果糯米飯好好味，睇得又食得，芒果鮮甜，而且糯米飯都幾軟熟。呢度嘅食物質素都唔錯，我哋要咗好多嘢食，蟹肉煎蛋、海南雞、椰汁雞湯、蒜蓉炒芥蘭、馬拉盞炒雜菜等等等。我就最鍾意蟹肉煎蛋同埋椰汁雞湯，煎煎蛋煎得好脆，而且食落一啲都唔油。椰汁雞湯嘅椰味好出所以飲落淡淡香氣。主食方面更加正，估唔到有咁多款式可以揀。我哋諗咗好耐，要咗金邊粉、乾炒豬河同埋一個蝦膏臘腸炒飯。份量真係好誇張，平時出去食泰國嘢都冇見咁多，而且價錢親民真係性價比高。呢三款嘅話我就最推金邊粉，麵條軟熟到啱啱好而且加埋隔離嘅配菜真係口感豐富。除此之外，呢度都有唔少炸物同埋小食，我哋樣樣叫咗少少，因為貪心又想試哈哈哈。雞棗同春卷都有四件，幾脆身同埋餡料多。炭燒豬頸肉難得感覺唔肥，雞翼嫩滑多汁，三隻唔夠食，要再叫多啲。