Mr. K Pizza N Chicken (Closed)

透過openrice訂座有85折，埋單一個人$250，有炸雞有芝加哥pizza，我哋兩個女仔完全食唔晒🙈*二人套餐 $499*凱撒沙律生菜煙肉芝士碎=凱撒沙律，沙律醬好好食，我用埋嚟點pizza食。韓式炸雞 (半份) (蜜糖芥末)五件炸雞看似大件，但其實暗藏部分炸雞皮。外皮香脆，但偏向厚身，雞腿肉嫩有肉汁。蜜糖芥末汁甜甜哋，唔會好嗆口。芝加哥薄餅薄餅係黑糖批，質地似麵包，微鬆軟，味道唔甜。薄餅皮有兩層，中間夾水牛芝士，面頭再加一層芝士，就係雙倍水牛芝士，好似瀑布咁拉絲！面頭淋滿黑糖漿，好甜好甜，同餡料、芝士唔夾。*燒烤派對芝加哥 BBQ Party Chicago配料唔多，有烤雞、紫洋蔥、薯角，淋上燒烤醬、酸忌廉醬。燒烤醬同黑糖漿真係唔夾。加埋鹹嘅芝士更加怪，唔推薦呢個口味。*甜辣情人芝加哥 Sweet Spicy Lover Chicago配料份量唔多，但相比之下豐富啲，有車厘茄、辣肉腸、烤雞、火腿、紅洋蔥，配韓式辣醬、香辣BBQ醬、酸忌廉醬。辣醬+辣肉腸同黑糖醬夾啲，不過黑糖漿嘅份量都係太多太搶味。藍乳酸特飲朋友話似忌廉溝鮮奶，我話似藥水味😂*青蘋果特飲青蘋果比較好飲。