Video
Read full review
2023-01-28
1318 views
今日本身打算去試吓一間新開嘅韓國菜，去到餐廳先發覺牛肉拌飯係只有中午至下午供應。天氣咁凍想食熱野。即刻喺附近兜下有咩想食。我哋又唔想食印度菜/泰國菜/ 越南菜/ 中菜。新年呢排食好多呢啲。行行下來到Dan Ryan’s ，咁不如就今晚食steak。其實大大話話Dan Ryan’s 搬咗去屋企附近都成3個月，都一直未有時間過去試吓。就喺搬左去前址Le Pain Quotidien ，有室內外用餐位置。入到去發現原來仲有樓上雅座。裝修都幾有特色，天花設計左個架空火車路軌。有架玩具火車不停循環兜圈。Menu 都有幾多選擇，其實都唔單只有牛扒/ 豬扒/ 雞之類，都有海鮮選擇而且仲有龍蝦比你揀。我哋點咗半份燒BBQ豬肋骨同12oz 芝加哥燒西冷牛扒。飲品點咗杯house red 同一杯cocktail Pina Colada。侍應轉頭好快手就送上餐包，個餐包籃幾得意，有1個muffin 、1個圓型餐包同埋1 個小法包。仲有牛油係粉紅色。唔係一般牛油，味道似士多啤梨牛油。半份美式燒BBQ豬肋骨：配有沙律Coleslaw 及炸蕃薯條。燒豬肋骨肉嫩多汁唔乾，輕輕切開骨肉分離。仲有一碟BBQ 醬附上。份
其實大大話話Dan Ryan’s 搬咗去屋企附近都成3個月，都一直未有時間過去試吓。就喺搬左去前址Le Pain Quotidien ，有室內外用餐位置。入到去發現原來仲有樓上雅座。裝修都幾有特色，天花設計左個架空火車路軌。有架玩具火車不停循環兜圈。
Menu 都有幾多選擇，其實都唔單只有牛扒/ 豬扒/ 雞之類，都有海鮮選擇而且仲有龍蝦比你揀。我哋點咗半份燒BBQ豬肋骨同12oz 芝加哥燒西冷牛扒。飲品點咗杯house red 同一杯cocktail Pina Colada。
Pina Colada
$78
9 views
0 likes
0 comments
侍應轉頭好快手就送上餐包，個餐包籃幾得意，有1個muffin 、1個圓型餐包同埋1 個小法包。仲有牛油係粉紅色。唔係一般牛油，味道似士多啤梨牛油。
半份美式燒BBQ豬肋骨：
配有沙律Coleslaw 及炸蕃薯條。燒豬肋骨肉嫩多汁唔乾，輕輕切開骨肉分離。仲有一碟BBQ 醬附上。份量真係幾大。兩個人食完都飽咗。
半份美式BBQ燒豬仔骨
$298
32 views
0 likes
0 comments
芝加哥燒西冷牛扒：
配原條燒甜粟米及炸蕃薯條。我哋同侍應講想要正常炸薯條同燒medium rare。牛扒燒得啱啱好！可以見到粉紅色好靚。皮焦脆肉嫩好味！
12oz 芝加哥燒西冷牛扒
$368
29 views
0 likes
0 comments
基本上我哋食唔曬啲牛扒，打包拎返屋企聽日整steak sandwich 做午餐❤️
整體用餐體驗同埋服務良好！值得一提係佢地係用環保飲管(可以自我分解果d) ，非常喜歡佢地有環保意識。贊👍🏻👍🏻
而且樓下有local live music 駐場氣氛超好。下次有時間叫埋多啲朋友再嚟食，咁可以叫多啲嘢食。
Post
