芝C Sushi (匯景商場) (Closed)

上網見到呢間小店既壽司望落好吸引，去開藍田就專登去試下。匯景商場成個迷宮咁，經自動電梯上去行幾步又見到自動電梯，真係會以為自己行錯，兜黎兜去終於揾到。小店外得少量企位，所以都多人叫外賣。我就叫左幾款芝味卷，芝味刺身同手卷。每款都好多蛋黃醬，蛋黃醬同d卷又好夾，真係食得津津有味。幾款入面，我最推介芝味三文魚腩刺身! 三文魚腩大大件，夾住一層芝士，面頭仲有好多蛋黃醬，真係好好食。呢間小店幾有心思，見menu都多款式，不過當日叫完都等得比較耐，經過想食壽司可以試下。