東喜茶 (Closed)

每次經過都有一大堆人係門口等緊～ 依度既芝士(奶蓋)好出名，所以就叫左兩杯試下。但等左20分鐘先拎到，拎既時候店員會教你點飲，好甜心。原來飲有芝士既飲品係唔用飲管飲架！芝士莓果 $42上面有一層厚厚既芝士，下面係雜莓沙冰。芝士有得轉脱脂/低脂，沙冰都有得選擇甜度。一啖飲到曬芝士同沙冰好滿足!! 芝士鹹鹹地加埋酸酸甜甜既沙冰好夾，由於我揀左微甜，所以正常應該甜啲☺️ 芝士份量唔少，但飲到一半已經得翻沙冰～芝士芒芒 $42沙冰係由芒果打成，因為冇揀到甜度，所以真係好甜！可能因為芒果本身都高糖分，下次都係叫翻微甜好啲😂整體黎講芝士莓果比較清新！推介！