妃嘗樂 (Closed)

公司附近開咗間新野，一向都鍾意試下啲新飲品嘅我地梗係去睇下又試下啦，最近飲完東喜茶嘅飲品後，都成日想比較下唔同舖頭嘅芝士奶蓋係點，見呢間野重點推介呢杯玫瑰妃花雪，咁我就買咗杯勒，$25又唔係貴，比起東喜茶成40蚊杯又真係相宜得多。不過表層芝士好鬼薄同淡，而且入面玫瑰味亦無乜，得啲雪係真嘅，底層嗰啲好似係蒟蒻，所以成杯野除咗凍之後，味道真係唔多。店員嘅態度真係唔可以用好嚟形容，當時佢地仲好似兩條女鬧緊交咁，我見到都覺得火藥味濃，用個口罩都知道佢地嬲緊，咁對我地呢班客仔嘅態度自然唔好得去邊。