文華餅店

Open Now

Now Closed

同朋友慶祝生日，今次由我負責去買蛋糕，由於朋友當中有大肚婆，所以唔可以食啲有生雞蛋成分既蛋糕，搵左好多間餅舖都做唔到。搵搵下諗起好耐無食文華餅店，所以走去問下，終於俾我搵到無生雞蛋成分既蛋糕喇。我買左個雜果芝士蛋糕，賣相都幾吸引，仲可以寫埋祝福語朱古力牌。雜果都好新鮮又甜，有士多啤梨、紅桑子、藍桑子、藍莓同芒果。個芝士蛋糕切落去好似好實，有啲難切，但食落啲芝士好滑，一啲都唔硬，芝士味夠濃，蛋糕唔似其他餅舖用消化餅或脆脆做餅底，佢全個蛋糕都只有芝士👍🏻 岩晒芝士控。雖然價錢係貴少少，但物有所值。