齊柏林熱狗店 (錦薈坊)

Open Now

Now Closed

今日嚟到屯門經過呢間出名手工麵包嘅熱狗店，咁啱到咗三點三下午茶時間，就入去買兩個份熱狗餐，裏面有幾個打卡able嘅電油筒做餐枱+吧枱凳，比堂食嘅客人慢慢品嚐熱狗。餐牌上面有好多唔同款嘅熱狗任君選擇，因為我顧住揀熱狗嘅款式，完全忘記咗要影餐廳內嘅相分享俾大家睇。因為少少趕時間，買咗兩份外賣上車食。一上到車打開兩個熱狗，已經香噴噴。又因為佢個熱狗係即叫即做熱辣辣，芝士溶得啱啱好，一時間又忘記咗要相機食先，總之呢個熱狗嘅味道真係好正，如果你有興趣睇到呢一篇食評，記得記得自己親身去體驗吓啦。