桃子Cafe (Closed)

細細個睇日本啲劇 成日見到蛋包飯都好想食😂 之後就愛上左蛋包飯😆 唔知有冇人都好中意蛋包飯呢🙈🍛日式咖哩流心芝士漢堡蛋包飯 ($98)一切開舊漢堡扒 原來入面都有芝士😛 芝士拉絲好邪惡啊🙈 店員仲話漢堡扒係用安格斯牛肉每日手打☺️ 外層煎得乾身帶點脆 入面肉汁香濃😋 火喉控制得幾好 隻蛋好香滑 配埋咖哩好夾 有d薯仔蘿蔔脆肉瓜 均勻飲食😆但呢個飯真係超級飽😂!! 最後係隔硬食埋個漢堡扒🙈呢個價錢包埋餐湯🥣同埋奶凍🍮🥣今次係蘑菇忌廉湯 又唔同平時個d重忌廉味 呢個菇味幾香 不過不失🍮奶凍重奶香味 食落個味ok☺️ 但可惜落太多魚膠粉 食落似啫喱口感 做唔到panna cotta個種質感😣