119韓國站 (Closed)

發現呢間新店有我想食嘅芝士拉骨，咁啱有時間，身先士卒嚟試咗先！一入店已感受到侍應們嘅殷勤，因為我以為朋友到咗有位，無理外面等位嘅人衝咗入去，點知一眼睇晒係冇，我即時攞電話出嚟打，有點徬徨，幾個侍應都好有禮貌問我幾多位，比張枱叫我坐底先，感覺好好！其實除咗芝士拉骨，我仲比佢地嘅飲品吸引，今日又好熱，我地兩個人，我好衝動咁叫晒爆樽汽水同爆樽啤酒， 之後先發現原來一杯可以幾個人飲， 但唔緊要， 爆樽汽水梗係好飲， 爆樽啤酒同柚子味好夾， 加埋超大杯冰，超爽！ 最後兩杯都飲曬！芝士拉骨冇令我失望，好多芝士包完骨仲有淨，豬肋骨好惹味，但中辣都唔係好辣。梨大手拌飯，其實係自製飯團，好味又有得玩。燒肉生菜包，豬肉是有點硬，但韓菜就是這樣，正宗韓國風味。食咗三樣野， 飽與唔飽之間，最後叫埋個步兵鍋。步兵鍋係辣即食麵加上蔬菜、 腐皮、 魚片、 韓國午餐肉、 腸仔、 仲有半隻蛋，細鍋但好豐富，餸多過麵，而且熱辣辣，大滿足！總括來講，比一般韓食店空間大，食得舒適；食物有水準且價錢比較合理；服務態度良好，值得一試。