Video
Read full review
2017-09-11
292 views
星期日趁放假約左幾個朋友過海食飯，本來心情都一般，因為冇帶遮出門口，黑仔到爆，淋到濕哂…不過慶幸食左個唔錯嘅晚餐，算係彌補少少。呢間餐廳應該係新開冇耐，見食評唔多，估唔到幾有水準，環境、服務同食物我個人都俾幾高分。呢棟大廈喺渣甸街，之前未黎過，所以都花左少少時間去搵，大廈嘅職員都好有禮餐廳都幾大，有唔少位置，裝潢色彩豐富，走年輕路線，有一部分卡位，一部係梳化位，而且可能新開張冇耐，唔算好多客，真係坐得舒適。我地揀左窗邊嘅卡位，視野廣闊啲，可以食得更多（我話嘅！）所有野都好乾淨企理，希望下次再黎時都一樣keep到，我成日食啲連鎖韓國野都食到悶了，今日黎到呢度好有新鮮感。呢度嘅食物都有好多選擇，定價同一般韓國野差唔多，唔算話好貴，我地人均二百蚊，食到好飽好飽~點完野食之後，店員好快就送上沙律同泡菜，沙律菜好新鮮架，泡菜夠酸夠辣，好食韓潮春川芝士鍋（配韓國麵一份）：我地揀左牛仔肉，材料豐富，有主角牛肉、蘿蔔、年糕、薯仔、什菌、洋蔥、翠玉瓜、娃娃菜等，當然唔少得海量芝士，真係正到暈，芝士控不能錯過，我一試難忘，雖然啲芝士又肥又邪惡，我都唔理，狂食。本來店員問我地想自己試下炒定佢幫我地炒，我地第
呢間餐廳應該係新開冇耐，見食評唔多，估唔到幾有水準，環境、服務同食物我個人都俾幾高分。呢棟大廈喺渣甸街，之前未黎過，所以都花左少少時間去搵，大廈嘅職員都好有禮餐廳都幾大，有唔少位置，裝潢色彩豐富，走年輕路線，有一部分卡位，一部係梳化位，而且可能新開張冇耐，唔算好多客，真係坐得舒適。我地揀左窗邊嘅卡位，視野廣闊啲，可以食得更多（我話嘅！）所有野都好乾淨企理，希望下次再黎時都一樣keep到，我成日食啲連鎖韓國野都食到悶了，今日黎到呢度好有新鮮感。
呢度嘅食物都有好多選擇，定價同一般韓國野差唔多，唔算話好貴，我地人均二百蚊，食到好飽好飽~
點完野食之後，店員好快就送上沙律同泡菜，沙律菜好新鮮架，泡菜夠酸夠辣，好食
韓潮春川芝士鍋（配韓國麵一份）：我地揀左牛仔肉，材料豐富，有主角牛肉、蘿蔔、年糕、薯仔、什菌、洋蔥、翠玉瓜、娃娃菜等，當然唔少得海量芝士，真係正到暈，芝士控不能錯過，我一試難忘，雖然啲芝士又肥又邪惡，我都唔理，狂食。本來店員問我地想自己試下炒定佢幫我地炒，我地第一次食，唔係好知點做，所以佢都好細心，一路幫我地炒一路教我地點做，下次黎到，我地就知了，其實都好簡單。加左少少蒜爆香，然後加入牛肉，牛肉份量都唔少，最重要係炒完都好腍，一啲都唔韌，好好食，冇揀錯
然後再加年糕，佢地有條狀年糕，亦有片狀圓形年糕兩款，加埋啲辣醬一流，而且夠哂煙韌。配菜全部都好入味，而且唔洗驚太辣，可能遷就香港人口味，都調整過，唔係太食得辣嘅朋友都食到。等到芝士半溶狀態，就可以撈埋牛或者其他配料一齊食，拉絲效果出眾，啱哂我呢啲港女。臨尾仲煮埋個韓國麵，大滿足
辣醬炒年糕 ：呢份味道都唔錯呀，雖然要百幾蚊，但份量都不少，我地四個人都食唔哂。片狀圓形年糕都幾煙韌，而目好掛汁，呢份年糕嘅辣度都幾足，可能唔食得辣嘅朋友未必啱，有另一款唔辣嘅芝士海鮮焗年糕可能啱食啲。炒年糕醬多，裡面仲有啲蜆肉、泡菜
海鮮豆腐湯：韓式湯品一向都係我最愛，揀左豆腐辣湯，配上白飯，味道對辦，唔會太辣，食完亦都冇好口渴嘅情況
韓潮炸雞：炸雞嘅款式唔多，我地點左一份試下，份量唔少，唔洗一百蚊，其實都幾抵食，韓醬嘅味道亦調配得宜，只係雞件骨多肉少，炸粉厚左啲。
海鮮煎蔥餅：鐵板上嘅蔥餅都唔錯呢，煎得幾香脆，食到裡面有魷魚。除左呢款，仲有泡菜餅、芝士海鮮蔥餅、馬鈴薯餅。
飲品方面選擇超多，杯杯都好吸引，有果汁、韓式飲品、咖啡、水果茶、沙冰等等，我地點左oreo沙冰、鮮菠蘿沙冰、朱古力恐龍（阿華田）、鮮芒果沙冰都唔錯，而且$35杯可以接受。整體黎講，呢間韓國野有下次喔！
Post
