Pizza Maru (荃新天地)

Open Now

Now Closed

今晚經開荃灣, 相約左住附近兼成年冇見嘅朋友食飯。佢建議去荃新天地一間主打韓式PIZZA, 其中一款PIZZA可拉出瀑布芝士, 極有興趣試試。平日晚7點多, 餐廳內已經滿座, 門外唔少人等位, 可見受歡迎程度。先order左杯野飲, 【Peach Ade】HK$48很夠汽, 底部有蜜桃濃縮汁, 攪伴後飲, 桃味同樣突出。【Maru 秘製青口鍋】HK$158個汁有淡淡芝士味, 青口份量多, 食到清甜, 沾上芝士汁食, 提升味道。【蜂蜜牛油秘製炸雞】HK$118 有半打/全打選擇, 揀左6件, 每件炸雞細細件, 表面淋上甜甜地調味粉, 味道整體唔太重口味。不過肉質唔太嫩, 不過炸皮好香脆。 【太陽番茄芝加哥】HK$183熱辣辣時, 夾起pizza, 兩邊漏出長長芝士瀑布, 極之邪惡。原來整件PIZZA中層都有芝士夾心, 果真足料!呢款PIZZA除左有大量芝士外, 面層仲有茄醬、番茄片同埋辣肉腸, 係PIZZA最傳統嘅食材配搭, 推仲比中意食芝士嘅朋友。