Neighbor (Closed)

本身今晚想行去鼎泰豐食，但係鼎泰豐例牌多人到唔想排...見到對面街有間未見過既餐廳，一於走去對面街食算。以為小店一間，點知有成3層咁大。地下個層賣小食，行左去二樓堂食Area，原來重有3樓添，都幾大間下。餐湯係超足料既羅宋湯，超足料，味道都唔錯，夠哂濃。沙律係凱撒沙律，芝士粉夠多我最鍾意。幾清爽。芝士焗青口真心幾高質，大大隻既青口，有勁多汁。芝士唔算好濃，反而唔會搶去青口的甜味。加上熱辣辣新鮮焗出黎，整體青口的味道都幾好。冬蔭公蟹肉雞柳意大利粉，幾鍾意佢個種偏重的冬蔭公口味，好香。意粉炒得夠乾身，配上少許的醬汁，感覺唔會覺得膩。唯一可惜的是蟹肉同雞肉的味道唔夠突出，如果可以特顯出個味道就好好了本身有銀雪魚，可惜無貨得番三文魚，有點可惜。三文魚魚油都算幾好，雖然魚身有一點點Overcook，但係魚油依然重有唔少。魚皮煎得幾好，少少脆，幾香。薯條大大條，薯味好香，入面粉粉，唔錯！Oreo同朱古力味好夾，甜甜地。熱辣辣又脆身的窩夫，配上冰凍的雪糕球，又係夾到不得了。朱古力雪糕唔算太甜，配上香口的窩夫~Match