餃子縣餃子專門店 (Closed)

行開旺角唔知食乜好，見到呢間幾多人，就坐低試吓。首先要大讚呢度呢招牌嘅芝士冰花煎餃，即煎好嘅皮外皮香脆，餡料飽滿，芝士味甚濃，係可以充斥整個口腔，好滿足，而眼見幾乎每枱客人都有點煎餃，可想而之受歡迎程度甚高，所以呢個係必點嘅。羊肉餃我就選擇重慶酸辣湯底，羊肉餡裏多配料，鮮味多汁，相比之下具有另一番風味。陳醋木耳，開頭仲以為陳醋會好酸，原來都唔會，質感同味道不過不失。拍青瓜，必點小食，爽脆又健康。醉雞翼，花雕味雖然無咁重，但肉質都鮮嫩入味。上海酸辣湯面大大碗，味道同材料都非常豐富，飽肚之選，所以整體性價比極高。真正做到平靚正既餐廳已經好難搵到，仲要坐落於旺角鬧巿中，難怪有咁多人熱捧，由於本身嘅我好都好食餃，所以自然感覺得到。