Video
Read full review
2019-01-15
255 views
今日又攰又凍，唔想走去咁遠食飯，近近地喺屋企附近嘅吉野家打個甂爐就最正！！喺正地鐵站上蓋嘅匯景商場，所以真係超級多人，好在老公一早去到，搵定位等我。原先仲諗住好快有得食，點知個爐滾得超慢，慢到嘅程度係老公成大碗牛肉飯食完，而我個邊爐都仲未滾。。。喺漫長嘅等待之間，我已經就快餓死。不過確實唔想死喺個咁汙糟嘅環境度絕對冇老屈佢，唔係得一兩個樽，一兩件垃圾喺地下咁簡單，基本上地下好多垃圾同雜物。因為執枱嘅員工次次都只係執台就算，地下有任何嘢都唔會執，而且應該冇人特登掃地？？開咗成日鋪的確好難地下冇雜物或者冇垃圾講咗咁耐，個窩終於滾了！！！真感動我不用餓死（點解我咁得閒打文就係因為我仲未有得食）其實食物絕對就無問題嘅，連鎖快餐店通常都唔會差得去邊。正常嘅質素，大概你同我都大約知係點，我就唔喺度多寫了。食完啲菜，芝士竹輪同埋其他配料又係時候落雞同烏冬，但係見到個火咁我真係想喊，究竟呢餐飯要食到幾點呢？？終於頂唔順叫咗個年紀大小小嘅姐姐嚟幫係換爐，因爲我已經食緊食咗一個鐘唔換由自可，一換先知點解個鍋燒極都唔會滾。原來係因為頭先個肥哥哥幫我就咁點著個棉心就算，都冇將個棉心翻開，所以啲火集中燒唔夠氧氣
喺正地鐵站上蓋嘅匯景商場，
所以真係超級多人，好在老公一早去到，搵定位等我。
原先仲諗住好快有得食，點知個爐滾得超慢，慢到嘅程度係老公成大碗牛肉飯食完，而我個邊爐都仲未滾。。。
喺漫長嘅等待之間，我已經就快餓死。不過確實唔想死喺個咁汙糟嘅環境度
絕對冇老屈佢，唔係得一兩個樽，一兩件垃圾喺地下咁簡單，基本上地下好多垃圾同雜物。
因為執枱嘅員工次次都只係執台就算，地下有任何嘢都唔會執，而且應該冇人特登掃地？？開咗成日鋪的確好難地下冇雜物或者冇垃圾
講咗咁耐，個窩終於滾了！！！真感動我不用餓死（點解我咁得閒打文就係因為我仲未有得食）其實食物絕對就無問題嘅，連鎖快餐店通常都唔會差得去邊。正常嘅質素，大概你同我都大約知係點，我就唔喺度多寫了。
食完啲菜，芝士竹輪同埋其他配料又係時候落雞同烏冬，但係見到個火咁我真係想喊，究竟呢餐飯要食到幾點呢？？
終於頂唔順叫咗個年紀大小小嘅姐姐嚟幫係換爐，因爲我已經食緊食咗一個鐘
唔換由自可，一換先知點解個鍋燒極都唔會滾。原來係因為頭先個肥哥哥幫我就咁點著個棉心就算，都冇將個棉心翻開，所以啲火集中燒唔夠氧氣，個火咪似有若無！！！
有相為證，阿姐幫我將個棉芯翻開之後個火即刻燒到冚冚聲！🔥🔥🔥
我個鍋終於識滾啦！我都覺得自己好犀利，點解可以個幾鐘先叫人換，早啲出聲早啲發現原因就唔使等咁耐囉。
嗱嗱聲淥埋頭先未落嘅雞肉同埋烏冬，快快脆食完即走，成餐飯我食咗兩個鐘，真係食個放題都得喇！！
總結：其實食物完全冇問題，不過環境衛生同埋員工質素就好有問題！！
打邊爐少不免中途要加湯，唔同其他分店可以叫侍應生來幫忙，因為基本上除咗有枱要執嘅時候之外你係唔會見到佢哋。
冇法啦，畀少少錢，唔通想要皇帝式享受咩？！實行自己湯底自己加！！
不過sorry 吖，即使你肯自己行出去搵個湯底，都只會發現幾個吉咗嘅湯底樽，同緊企埋一邊吹緊水嘅員工，結果又係要你開口佢先會裝返落去個樽度，然後你自己行返埋去自己加。
今時今日咁嘅服務態度，真係得？？
Post
