Video
Read full review
2018-03-19
80 views
好掛住呢度既唔知咩魚定食同缺餅拼盤，特登返黎食，點知林屋定食賣晒。咁我地試下金錭定食啦 ($88)。原來鯛魚比鰻魚肥美好多，一舊魚有4成都係魚油/肥膏，外皮少少既甜味燒汁同魚油味道融合左，兩樣都甜，但係一d都唔漏，入口即溶，溶左仲會係口入面一路飄香，簡直唔捨得吞落肚。咁香濃既魚油居然唔會蓋住茶味飯既香味，d飯無乜甜味，而係充滿香片/鐵觀音茶味，茶味突出到好似鐵觀音雪糕咁，係其他餐廳無既味道。宜家覺得茶漬飯真係小兒科。我地又點左原條鰻魚定食 ($98)，只係比錭魚貴10蚊，但係魚既份量多1/3，比較之下好抵食。今次燒得唔夠淋，魚肉係爽口既，似中式蒸白鱔，好彩味道仲係日式既，調味同鯛魚一模一樣，少少醬油多多魚味，只係鰻魚多d肉食，魚油/肥膏少好多，總之質素都係好高，份量係足一條魚，好滿足。揀鰻魚定錭魚就睇你鍾意魚肉定魚油多d，我兩樣都鍾意。一人食左一個定食都唔多飽，餐廳好應該考慮下提供添飯，白飯都好吖。點多個甜品。上次試特製拼盤非常滿意 (有一球抹茶雪糕、白玉餡蜜、缺餅、墊底大菜糕)，今次試新野，點左抹茶芝士蛋糕，連一球雪糕同白玉餡蜜 ($88)，點知大失所望。雪糕最好味，係溶得快左d，白
好掛住呢度既唔知咩魚定食同缺餅拼盤，特登返黎食，點知林屋定食賣晒。咁我地試下金錭定食啦 ($88)。
原來鯛魚比鰻魚肥美好多，一舊魚有4成都係魚油/肥膏，外皮少少既甜味燒汁同魚油味道融合左，兩樣都甜，但係一d都唔漏，入口即溶，溶左仲會係口入面一路飄香，簡直唔捨得吞落肚。
咁香濃既魚油居然唔會蓋住茶味飯既香味，d飯無乜甜味，而係充滿香片/鐵觀音茶味，茶味突出到好似鐵觀音雪糕咁，係其他餐廳無既味道。宜家覺得茶漬飯真係小兒科。
我地又點左原條鰻魚定食 ($98)，只係比錭魚貴10蚊，但係魚既份量多1/3，比較之下好抵食。今次燒得唔夠淋，魚肉係爽口既，似中式蒸白鱔，好彩味道仲係日式既，調味同鯛魚一模一樣，少少醬油多多魚味，只係鰻魚多d肉食，魚油/肥膏少好多，總之質素都係好高，份量係足一條魚，好滿足。揀鰻魚定錭魚就睇你鍾意魚肉定魚油多d，我兩樣都鍾意。
一人食左一個定食都唔多飽，餐廳好應該考慮下提供添飯，白飯都好吖。
點多個甜品。上次試特製拼盤非常滿意 (有一球抹茶雪糕、白玉餡蜜、缺餅、墊底大菜糕)，今次試新野，點左抹茶芝士蛋糕，連一球雪糕同白玉餡蜜 ($88)，點知大失所望。雪糕最好味，係溶得快左d，白玉好有糯米味，最失敗係件蛋糕，細件都算啦，合埋眼食應該會以為係普通芝士蛋糕，芝士味唔夠濃，抹茶粉又落得少，無茶味咁滯，唔掂！
一般幫襯呢d甜品cafe都預左每人一個主菜、一個甜品就食得飽，我地仲要出去飲天仁茗茶，份量太少，性價比太低喇，唔建議成日黎。
Post
